LAOAG CITY – Na-dismissed ti kaso nga illegal gambling a naipila kontra ti maysa a grupo a naaktwan dagiti otoridad nga agsusugal iti balay ti agnagan Alberto Corpuz iti Barangay 17 ditoy ciudad ti Laoag.
Karaman ditoy da Renier Corpuz, 50, Oscar Tolentino Bagaoisan, 53, Alberto Corpuz Tamayo, 58, Jes Rualo Buted, Catalino Supremo Palabras Jr., 64, Jessie Nicolas Domingo, Joylyn Soria Corpuz, 57, ken ni dati a City Engineer Ulderito Root, ken dua a babbai a saanen a nabigbig dagiti otoridad.
Immunan a naipila ti nasao a kaso iti piskalya iti ciudad ti Laoag ngem na-dismissed kalpasan a nagbayad dagiti maseknan ti multa da.
Ti pannakaipalubos dagiti maseknan a nagbayad ti multa ket inaprubaran ni Associate City Prosecutor Jeric M. Plantillo babaen met ti panangaprubar ni City Prosecutor Lourdes Layugan.
