LAOAG CITY – Naiyakar idi kalman ti dismissed Bamban, Tarlac Mayor Alice Guo manipud Capas, Tarlac Regional Trial Court iti Valenzuela City Regional Trial Court gapu iti graft case na.
Segun kenni Senate Majority Leader Francis Tolentino, awan ti hurisdiksion ti Capas Court iti nasao a banag isu a nasken a maiyakar daytoy.
Daytoy ket napagdesisyonan kalpasan a nangipaulog ti Tarlac Regional Trial Court Branch 109 iti arrest warrant ken ni Guo gapu iti kaso nga Anti-Graft and Corrupt Practices Act.
Kabayatanna, nangipila met ti Interior Department iti kaso gapu iti alegasion nga inusar ni Guo ti pannakabalinna idi a kas Mayor a nangipaulog iti mayor’s permit tapno agbalin a legal ti operasyon ti Philippine Offshore Gaming Operator (POGO) idiay Bamban, Tarlac.
Nupay kasta, agtalinaed ni Guo iti kustodiyar ti Philippine National Police Custodial Center idiay Camp Crame, Quezon City.
