LAOAG CITY – Nairekord ti 25 a baro a kaso ti COVID-19 idinto a 24 dagiti nakarekober a pasyente ditoy probinsya.
Basar iti datos ti gobyerno probinsyal, 12 dagiti baro a kaso ditoy siudad ti Laoag rason nga umaboten iti 136 ti aktibo a kaso idinto a 747 ti pakabuklan a kaso ti nasao a virus.
Nagpositibo met dagiti innem a residente iti ili ti Bacarra, tallo iti ili ti Pasuquin, dua iti Solsona ken saggaysa iti Brgy. San Juan Bautista, San Nicolas ken Brgy. San Joaquin, Sarrat.
Umaboten iti 1984 ti kaso ti COVID-19 nga addaan iti 529 active cases, 1440 recoveries ken 15 dagiti pimmusay.
