LAOAG CITY – Naimaldit ti 135 a baro a kaso ti COVID-19 idinto a 132 dagiti nakarekobre ditoy probinsya.
Daytoy ti umuna a gundaway nga ad-ado ti baro a kaso ngem ti nakarekobre sipud idi Agosto 27 ita a tawen a nairekord ti 389 a kaso ken 330 ti recoveries.
Basar iti datus ti gobyerno probinsyal a naiparuk-at idi rabii, umabo ti 25 ti baro a kaso ti COVID-19 iti siudad ti Batac, 18 iti ili ti Pasuquin, 14 iti Solsona, 13 iti Paoay, 12 iti Burgos, 11 iti Banna, agpapada a pito iti Pinili, Vintar ken Piddig, agpada nga innem iti Carasi ken Bangui, lima ditoy siudad ti Laoag, dua iti Sarrat ken saggaysa iti Nueva Era ken Badoc.
Iti bilang dagiti nakarekobre, 26 dagiti nalaingan ditoy siudad, 17 iti ili ti Bangui, agpada a 13 iti ili ti Banna ken Paoay, 11 iti Pinili, pito iti Currimao, agpada nga innem iti Dingras ken Badoc, agpapada nga uppat iti San Nicolas, siudad ti Batac, ken Burgos, sagtatallo iti Marcos, Vintar, Sarrat, Pasuquin ken Adams, sagdudua iti Pagudpud, Carasi ken Bacarra.
Umaboten ti 17,004 ti kaso ti COVID-19 ditoy probinsya, nga addaan ti 1,642 nga aktibo a kaso, 15,109 ti recoveries ken 253 dagiti pimmusay kalpasan a nairekord ti dua a natay ditoy siudad ti Laoag.
