LAOAG CITY – Umabot ti nasurok a 500 a tattao dagiti naapektaran ti coronavirus idiay Nova Scotia, Canada.
Daytoy ti inpakaammo ni Mr. Jerome Lagmay, agnanaed iti nasao a lugar.
Kuna na a maam-amak da iti sitwasyon da iti agdama gapu ta malaksid ti panagwaras ti virus ket maipagarup nga adda pay dagiti manglawlawlaw iti lugar da nga agtakaw iti uneg ti pagtaengan.
Segun kenni Lagmay, limitado ti panagruwar da gapu ti nabasa na iti social media mainaig ti nasao a banag.
Kabayatanna, inpakaammo ni Lagmay a mamulta ti lima a ribo a dolyar wenno katukad ti agarup 180 a ribo a pisos dagiti matiliw nga agsalungasing kadagiti pagalagadan nga inpatungpal ti gobyerno ti Canada.
Nalimitaran dagiti tattao a mabalin a sumrek tapno gumatang kadagiti kasapulan da iti groserya wenno cafe.
