LAOAG CITY – Umaboten ti 250 ti bilang dagiti kaso ti COVID-19 iti Philippine National Police ditoy probinsya.
Segun kenni Police Major Lauro Milan, mangidadaulo iti Provincial Administrative Resource Management Unit ti INPPO, agdagup ti 19 ti bilang dagiti aktibo a kaso ti COVID-19 iti agdama.
Kuna na nga umabot iti 230 dagiti recoveries idinto a maysa ti pimmusay a pannakabagi ti linteg.
Kabayatanna, inpakaammo ni Milan a limitado ti panangpastrek da kadagiti maseknan a makiuman iti INPPO.
Innayon na a sakbay a makastrek dagiti maseknan ket ammuen da nga umuna no sadinno nga opisina ti papandan kas paset iti maipatpatungpal a protocol iti PNP kontra iti COVID-19.
