LAOAG CITY – Umaboten iti 296 ti kaso ti dengue ditoy ciudad ti Laoag sipud idi enero agingga ita a bolan.
Inbatad ni Miss Rowena Nicolas, Dengue Surveillance Nurse iti City Health Office (CHO) a manipod iti nasao a bilang ket addan uppat a pimmusay.
Gapu iti daytoy, nagpanawagan ni Nicolas kadagiti amin a residente ditoy ciudad ti Laoag a masapol nga agtitinnulong nga agdalos iti aglawlaw.
Inpetteng na a saan koma nga ipabus-oy lattan kadagiti opisyal ti barangay ti panagdalos iti aglawlaw no di ket masapol nga agtitinnulong.
Innayon na a nawaya ti siasinno man a mapan dumawat ti kemikals iti CHO a pagpaksyat ti lamok, ngem masapol nga agaramid ti surat a mai-address iti opisina ni Mayor Michael Marcos-Keon ken iti opisina da.
Kabayatanna, inbalakad ni Nicolas a no adda dagiti makita a pagyanan dagiti kiti-kiti ket mapan ibukbuk iti napudot a semento tapno sigurado a matay dagitoy tapno saandan nga agbalin a lamok.
