LAOAG CITY – Ngimmato ti agarup 355.9 % ti nairekord a kaso ti dengue idiay Bacolod City manipud idi Enero agingga idi Disiembre iti napalabas a tawen.
Katukad daytoy iti pakabuklan 2,617 a kaso a nangatngato maidasig iti 574 a nairekord a kaso idi 2023.
Manipud iti datos nga inruar ti City Health Office, dumanon iti pito a pasiente ti natay idi 2024.
Naammoan a dagiti kaso ti dengue ket nairekord manipud iti Barangay Estefania, Sum-ag, Villamonte ken Barangay 16 idinto a ti dadduma a kaso ti dengue ket nairekord iti Barangay Singcang-Airport, Felisa ken Barangay 26 iti napalabas a tawen.
Agtultuloy ti pananggutigot ti City Health Office ti Bacolod a suroten ti 4 o’clock habit ti panagdalos iti aglawlaw.
Babaen iti daytoy a wagas ket epektibo a malabanan ti dengue kadagiti komunidad.
