LAOAG CITY – Kinumpirmaran ni Dr. Alicia Agbayani, ti mangidadaulo ti City Health Office idiay ciudad ti Batac nga umaboten ti 229 ti kaso ti dengue sipod idi Enero agingga iti bulan ti Agosto ita a tawen.
Segun kenni Agbayani, 4 kadagitoy ti pimmusay a naggapo iti Brgy. Balani, Quiom, Aglipay ken Sumader.
Kunana a kaaduan a kaso ti dengue ket manipod iti Brgy. Tabug, Palompong ken Naguirangan iti nasao a ciudad.
Inpasingked na nga agtultuloy iti kampanya da kontra iti dengue kas iti panangisayangkat da ti surveillance, residual spraying ken fogging kadagiti adu a pakakitaan ti kiti-kiti.
Nabalakadan pay dagiti residente iti nasapa a panagpa-check up kadagiti miyembro ti pamilya nga aggurgurigor.
