LAOAG CITY – Agtultuloy ti nairekord a panagadu ti kaso ti Dengue iti ciudad ti Quezon.
Maibasar iti report ti Quezon City Epidemiology and Surveillance Division, dimmanon iti 2,067 ti kaso ti Dengue manipud Enero agingga iti Agosto 3, 2024.
Mainaig iti daytoy, ti District 2 ti kangatuan a nakairekord nga addaan iti 523 a kaso ken ti District 3 ti kababaan nga addaan iti 174 a kaso.
Nupay kasta, saan a ngimmato dagiti kaso ti natay gapu iti dengue no sa dinno a nagtalinaed ti bilang iti tallo.
Mainaig iti daytoy, agtultuloy ti panangisayangkat ti lokal a gobierno kadagiti clean up drives ken health awareness lectures tapno malapdan ti ad-adda pay a panagwaras ti sakit.
Binalakadan ti ahensia dagiti umili a dagus nga agpakonsulta iti kaasitgan a Health Center wenno agpadoktor no adda mapasaranda a sintomas ti Dengue.
