LAOAG CITY – Inrakurak ti Department of Health a bimmaba ti bilang dagiti kaso ti kamuras ken pertussis ditoy Pilipinas.
Basar iti Department of Health, sipod simrek ti tawen agingga idi Mayo 11, nakairekord ti 2,552 measles-rubella cases.
Ti bilang ti kaso ti measles-rubella idi Abril 14 agingga Abril 27 jket dumanon iti 408 wenno 8 a porsiento a nababbaba maidasig iti 442 idi Marso 31 agingga Abril 13.
Ti measles-rubella epidemic curve ket mangipakpakita ti paglasinan ti panagbaba ken lima a pannakatay ti naipadamag.
Awan met ti rehion ti nangipadamag nga agtultuloy a panagngato ti kaso ti measles-rubella iti naglabas nga innem a lawas kas maibasar iti panangmonitor ti Department of Health.
Dagiti ubbing nga agtawen ti nababbaba ngem 10 ket isu ti karisgoan ti measles-rubella a mangbukbukel iti 83 porsiento wenno 2,114 ti pakadagupan a bilang dagiti kaso.
Ti panagbaba kadagiti kaso ti pertussis ket imonmonitor ti Department of Health gapu ta nadakamat nga awan ti panagngato ti kaso iti aniaman a rehion iti napalabas nga innem a lawas.
Kabayatanna, basar iti Department of Health idi Mayo 11 ket adda iti pakabuklan a 2,521 a kaso ti pertussis a naipadamag sipod nangrugi ti tawen 2024.
