LAOAG CITY – Manamnama a maipila ita nga aldaw ti kaso mainaig ti panaglabsing iti RA 9165 ken RA 10591 kontra kenni Jerald Ballesteros idiay Barangay 14 iti ili ti Sarrat.
Daytoy ti inbatad ni Police Chief Inspector Roldan Suitos, chief of police ti PNP-Sarrat.
Segun kenni Suitos, agpapan ita ket saan pay a nabirukan dagiti otoridad ti suspek kalpasan a nakalibas kabayatan ti pannakiyuswat ti drug buy-bust operation.
Nupay kasta, inpasingked ni Suitos nga agtultuloy ti panangbirbiruk da kenni Ballesteros.
Mainaig iti daytoy, kuna ti hepe nga adda ti kadwa ti suspek a maysa a tao nga addaan ti paltog ken daytoy ti nagpaputok.
Inpetteng na a nakikoordenar da iti PDEA isut gapo na a ligitimate ti nasao nga operasyon.
Kuna ni Suitos a dagiti nakumpiskar a shabu ket naipaiman iti Crime Laboratory kasta met dagiti kapsula para iti ballistic examination.
Naamoan a ti kapsula ti caliber 45 ket naggapo manipud iti paltog ti suspek.
