LAOAG CITY – Bimmaba ti kaso ti rabies ditoy probinsia.
Daytoy ti naragsak nga inpakaammo ni Provincial Veterinarin Dr. Loida Valenzuela.
Segun kenkuana, manipud iti 181 a nagpositibo iti rabies ket adda laengen agarup 60 iti napalabas a tawen.
Inbatadna a dakkel a tulong dagiti maiwaywayat a massive vaccination kadagiti nagduduma a Local Government Units.
Inlawlawagna a daytoy ti kangrunaan a rason iti panagbaba ti kaso ti rabies iti intero a probinsia.
Innayon ti Provincial Veterinarian ti naan-anay a pannakikoordinar dagiti amin a residente tapno awan ti walang nga aso kadagiti kalsada ken maliklikan nga adda ti makagat kadagitoy.
