LAOAG CITY – Inrakurak ti Department of Health nga umaboten iti 17 a kaso ti rabies ti nairekord ti pagilian sipud idi Enero 4 agingga iti Pebrero 21 ita a tawen.
Daytoy ket nababbaba no ikompara iti 49 a kaso a nairekord iti isu metlaeng a panawen idi 2025.
Iti nasao a bilang, 13 wenno 76% ditoy ket naggapo iti kagat dagiti ayop a saan a nabakunaan kontra iti rabies.
Nupay bimmaba ti bilang ti kaso, nagtalinaed a pangta iti salun-at ti publiko ti rabies virus, aglalo kadagiti komunidad no sadinno nga agraira dagiti saan a nabakunaan a taraken nga ayop ken dagiti walang nga ayop.
