LAOAG CITY – Umabot ti 32 ti kaso ti teenage pregnancy ditoy probinsya iti ummuna a quarter ti tawen.
Kinumpirmaran daytoy ni Mrs. Nelinda Erice, head ti Gender and Development Office.
Daytoy ket maibasar kadagiti naawat da a report manipud kadagiti nagduduma nga ili ken ciudad ditoy probinsya.
Inbatad na a dagiti ili nga addaan ti kaaduan ti nasao a kaso ket iti Pagudpud , Solsona ken San Nicolas ken dagiti dadduma nga ili ket adda laeng ti masya wenno dua a kaso
Basar ti obserbasyon ni Mrs. Erice, maysa kadagiti rason a makitkita na ket gapo ta ipagarop dagiti ubbing a malasatan da ti kinarigat ti biag ken kurang ti panangbayabay dagiti nagannak gapo ta adda da iti adayo a lugar.
