LAOAG CITY – Pimmusayen ti Five-time Olympic champion Hungarian gymnast Agnes Keleti iti tawenna a 103.
Kinumpirmaran ti Hungarian Olympic Committee ti pannakatay ni Keleti.
Naipasngay ni Agnes Klein iti Budapest idi Enero 9, 1921 a nakipaset isuna iti National Gymnastics Association idi 1938.
Nangabak daytoy iti kaunaan nga Hungarian championship idi 1940 ken napawilan isuna a makisalip kadagiti amin nga sports activities gapu iti panagbalinna kas Jewish origin.
Basar iti International Olympic Committee a maysa kadagiti kalaingan a gymnast ti Hungary ni Keleti ngem napulitika daytoy iti pagilian ken ti relihionna.
Inbatad ti Hungarian Olympic Committee a nalibasan ni Keleti ti Nazi death camps a rinibu nga Hungarian Jews ti napapatay.
Naglemmeng daytoy iti maysa a lugar iti Budapest usar dagiti peke a papeles.
Nagballigi daytoy ti umuna a balitok a medalya iti Helsinki games idi 1952 iti tawenna a 31 nga agarup amin a gymnast ket nakaretiron.
Nadanonna ti kina-peak ti career iti Melbourne idi 1956 a nangabak ti uppat a gold medals ken nagbalin a kataengan a babai a gymnast a nagballigi ti balitok a medalya.
Kalpasan ti maysa a tawen ket immakar isuna iti Israel ket ditoy a nagasawa ken naaddaan ti dua nga annak.
Ti 10 Olympic medals-na pakairamanan ti lima a gold ket isu ti nangitunda ti panagbalin ni Keleti a maikadua iti naimballigian nga atleta ti Hungary.
Nakaawat pay daytoy ti sumagmamano nga Hungarian state awards gapu iti panagballigina.
