LAOAG CITY – Nagkita ti katayagan ken kabassitan a babai iti intero a lubong.
Nagkita dagiti dua idiay London kageddan ti pannakaselebrar ti Guinness World Records Day.
Ni Rumeysa Gelgi ket 7 feet ken 0.7 inches idinto a ni Jyoti Amge ket 2 feet ken 0.7 inches.
Basar iti Guinness World Records a naiyuswat ti panagkita dagiti dua iti Savoy Hotel.
Inbatad ti agtawen iti 27 a ni Gelgi nga agpada dagitoy a mahilig nga ag-make-up, alahas ken panangasikaso ti bagbagida.
Dakkel a karit kadakuada ket marigatanda ti eye contact.
Napalaos ti ragsakna gapu ta nakitana ti padana a world record holder.
Kabayatanna, ni Amge ket maysa nga aktres ken media personality a naipasngay idiay India nga addaan daytoy ti bone growth disorder a maaw-awagan nga achondroplasia nga isu ti mangap-apektar iti abaga ken luppona.
