LAOAG CITY – Inpetteng ni Miss Universe Philippines-Tourism 2021 Katrina Dimaranan a pinalen ti desision daytoy iti saanen a pannakipasetna iti 2025 Miss Universe Philippines pageant.
Iti online account daytoy, sinungbatanna ti saludsod dagiti fans-na.
Inbatadna nga uray isu ti kayatna ngem saanna pay laeng a prioridad iti agdama.
Idi 2021 idi nakipaset ni Dimaranan iti Miss Universe Philippines pageant no sadinno a nagbalin a second place ken ni Beatrice Luigi Gomez.
Nagleppas laeng iti maikalima a puesto ni Gomez iti 70th Miss Universe pageant a naiyuswat idi idiay Israel.
Naammoan a kalpasan ti pageant ket nagsubli isuna idiay Estados Unidos tapno ipursige ti kas maysa a nurse.
