LAOAG CITY – Gaserbi a katulongan ti Philippine Drug Enforcement Agency ti Philippine National Police iti panangiwayat da ti operasyon kontra ti illegal a druga.
Daytoy ti inlawlawag ni Regional Director Atty. Marvin Tavares, ti PDEA region 1 iti ekslusibo a pannakiuman ti Bombo Radyo Laoag.
Segun ti opisyal, mabalin a mangiwayat ti PNP ti surveillance ken monitoring kadagiti barangay ngem nasken nga ited da dagiti impormasyon iti PDEA no adda ti nakita da a mapagduduaan tapno makaaiwayat ti ahensya ti operasyon.
Kuna pay ni Tavares a mabalin pay nga agtiliw dagiti pulis ti maaktuan da nga aglaklako ti wenno agus-usar ti maipawil a druga.
Inpetteng ni Tavares a saan a mabalin a mangiwayat ti PNP ti search operation wenno drug buybust operation gapu ta daytoy ket maysa a planned operation.
