LAOAG CITY – Kinumpirmaran ni Barangay Chairman Elmer Domingo iti Barangay 12 iti ili ti Sarrat a ti baro a kaso ti covid-19 wenno ni IN-C54 nga agtawen ti innem ket anak ni IN-C38 ken apoko ni IN-C52.
Segun kenni Domingo, ni IN-C38 ken ni IN-C54 ket napan da itay kallabes iti Barangay 9, San Lorenzo iti nasao met laeng nga ili nga isu ti maipagarop a nakaalaan da t virus.
Naamoan a ni IN-C54 ken ni IN-C52 ti ket isu ti agkabbalay iti Barangay 12 idinto a ni IN-C38 ket agnanaed iti Barangay 9.
Ummuna iti daytoy, iti rakurak ni Gov. Matthew Marcos Manotoc ket ni IN-C38 ti kangrunaan nga exposure ni IN-C54.
Mainaig iti daytoy, kuna ni Domingo a dagiti dadduma a nakapulapol dagiti pasyente iti lugar da ket dimmalanen iti swab test ken maiyur-uray ti resulta, kasta met a dagiti nabatbati ket dumalan test iti daytoy nga aldaw.
Kabayatanna, naiget met ti panagbantay dagiti opisyales ti barangay iti lugar da kangrunaan na iti Sitio 1, 2, 3 a naka-lockdown.
