LAOAG CITY – Maysa a residente iti nursing home nga agtawen ti nasurok a 80 a nagpositibo ti omicron variant ti pimmusay iti New South Wales idiay Sydney, Australia.
Daytoy ti report ni Bombo International Correspondent Denmark Suede, agpapaay iti maysa nga ospital idiay New South Wales.
Kuna na a ti agtawen ti nasurok a 80 a residente iti nursing home iti New South Wales ti kaunaan a casualty iti omicron idiay Australia.
Segun ken ni Suede, iti agdama ket nakairekorden ti Australia ti 10,186 a kaso ti Delta ken omicron variant.
Kabayatanna, inpakaammo ni Suede nga iti baet nga adon dagiti nairekord a kaso ti delta ken omicron variant iti New South Wales ket arigna awan ti nagbaliwan dagiti maipatpatungpal a restriksyon iti nadakamat a lugar.
