LAOAG CITY – Agtultuloy ti House Quarantine kalpasan a naimaldit ti kaunaan a kaso ti coronavirus disease 2019 idiay Hawaii.
Iti report ni Bombo International Correspondent Manny Manny Pascua idiay Hawaii, maysa a lalaki nga agnanaed iti Honolulu.
Kuna na a ti lalaki ket pasyente iti Kyaer Permanente, maysa a dakkel nga insurance company.
Naamuan ni Pascua a ti lalaki ket pasahero iti cruise ship a naggapu iti San Francisco, California ken nagturong iti Mexico.
Inbatad na a kalpasan ti panagbiyahe na ket nakagwid ti maseknan iti San Francisco ken nagturong ti eroplano a nagturong iti Honolulu.
Inbatad ni Pascua nga idi nakasangpet idiay Honolulu ket rimwar dagiti sintomas ti coronavirus disease.
Segun kenni Pascua, ibilang ni Hawaii Lieutenant Governor Josh Green a napeggad dagiti cruise ship ken maipagarup nga isu ti agiwarwaras ti nasao a virus.
Gapu iti daytoy, kiniddaw ni Green kenni Presidente Donald Trump ti pannakaisardeng ti panagbiyahe dagiti cruise ship iti intero nga Amerika.
Mainaig iti daytoy, Innayon ni Pascua nga agtultuloy ti panic buying dagiti residente ken Pilipino iti Hawaii.
Kangrunaan a gatangen dagiti Pilipino ket sanitizer, napkin, toilet paper, ken dadduma pay.
