LAOAG CITY – Pimmusayen ti kaunaan a presidente ti Namibia a ni Sam Nujoma iti tawen na a 95.
Mismo a ni Namibian President Nangolo Mbumba ti nangiwaragawag iti ipupusayen ti kaunaan a presidente ti pagilian.
Ni Nujoma ti nangidaulo iti napaot a laban para iti panagwaywayas ti Namibia manipod iti South Africa idi 1990.
Kalpasan a nagballigi ti Namibia ket isu metten ti panagtugaw kas presidente ni Nujoma idi 1990 ken indaulwan na ti pagilian agingga iti 2005.
Naamoan a ni Nujoma ket nagtalinaed iti ospital iti uneg ti tallo a lawas gapu iti saanen a naidetalye a sakitna, ngem saanen a nakarekobre pay.
Inbatad ni Presidente Mbumba a ni Nujoma ti nangipaay inspirasyon kadakuada a bumangon ken agbalin a masters iti nalawa a daga iti kapuunan da.
