LAOAG CITY – Balligi nga inpabanto ti South Korea ti kaunaan a rocket daytoy iti lao-ang.
Naipabanto manipod iti Goheung, Seoul ti Korean Satellite Launch Vehicle II wenno mabigbig a “Nuri”.
Inbatad ni President Moon Jae-in a nakumpleto ti nasao a rocket ti full flight sequence ngem napaay a makaibati ti dummy satellite iti orbit.
Mainaig iti daytoy, kuna na a ti nasao a launches ket napateg iti space programmes ngem dakkel ti potensiyal daytoy a maaddan ti military applications.
Naamoan nga agbalor ti satellite iti $1.6 bilyon.
Maipalagip nga idi 2012 ket immuna a nangipatulod ti North Korea ti satellite na iti orbit.
