LAOAG CITY – Maiyuswat ti kaunaan a Tanod Olympics 2024 iti Ilocos Norte Police Provincial Office iti panangidaulo ni Police Col. Frederick Obar, intono bigat, Agosto 10 a makipasetan amin dagiti lokal a gobierno iti dua a ciudad ken nagduduma nga ili ditoy probinsya.
Makipaset pay iti nasao nga aktibidad ti Bureau of Fire Protection, responders iti kada munisipyo ken dagiti barangay tanud.
Ti Tanod Olympics 2024 ket addaan ti tema a “Timpuyog Napnoan Ornos ken Disiplina ti Amianan”.
Inbatad ni Police Major Sheryl Guzman, ti pannakangiwat ti Ilocos Norte Police Provincial Office, gagem ti nasao nga aktibidad a maipadalan ti naan-anay a panagensayo dagiti barangay tanud iti intero a probinsya.
Inpakaammo na a babaen ti Tanod Olympics 2024 ket ipakita dagiti maseknan no kasanu ti aramiden da a panagrescue no adda ti mapasaran a kalamidad wenno didigra, ken no ania dagiti ipatungpal da a first aid no kasapulan.
Manamnama nga agatendar ni Governor Matthew Marcos-Manotoc iti maiyuswat a Tanod Olympics 2024 ditoy probinsya.
