LAOAG CITY – Nairubuat ti kaunaan AI portal iti health services idiay Quezon City tapno makatulong kadagiti doktor a mangtamtaming ti ad-adu a bilang dagiti masaksakit.
Nadakamat iti media launch, inpayam-ammo ti 1Life Inc. ti kaunaan nga Artificial Intelligence powered doctors assistant platform iti Pilipinas a Docmate AI tapno ad-adu nga umili ti maaddaan ti access iti healthcare preventions.
Inbatad ni Nino Namoco, Presidente ti 1Life Inc, ti Docmate A1 ket dakkel a tulong kadagiti doktor ken iti maysa a pasiente nga insigida a makita ti sakit ken nasapa a maagasan iti tulong ti baro a platform a Docmate AI.
Kunana a ti 1Life Inc. ket mangipapaay ti libre nga health services kas ti blood test, ECG, Xray, Ultrasound, Urinalysis ken dadduma pay ken gapu iti panagusar ti Docmate AI, insigida a maammoanda dagiti sakit ti maysa a pasiente a nasken a maagasan.
