LAOAG CITY – Nauram dagiti kaykayo ken karuruutan nga adda iti asideg ti pagay-ayusan ti lava iti Lower Puna idiay Big Island, Hawaii.
Daytoy ti kinumpirmaran ni Bombo International Correspondent Manny Pascua iti kaudian a report na ditoy Bombo Radyo Laoag.
Segun ken ni Pascua, awan dagiti nairaman a balbalay a dagitoy ket saan a nagaburan ti lava iti nasao nga uram.
Kabayatan na, agtultuloy ti iyaasideg ti lava iti pagpunpunduan dagiti bangka iti nasao a lugar.
Kuna ni Pascua, agarup 500 a kadapan ti kaadayo ti lava manipud iti nasao a pangsangladan.
Iti sabali a bangir, napasamak manen ti gingined a nagpigsa iti 5.4 magnitude iti nasao nga ili.
Nupay kasta, awan dagiti naireport a panagrengngat ti kalsada wenno aniaman a paset ti Isla a kas kaagiti immun-unan a gundaway.
