LAOAG CITY – Agarup maysa a tawenen ti relasion da Keanna Reeves ken ti aspiring singer-actor a ni Briant Scott Lomboy.
Adu ti saan a makaammo iti daytoy gapu ta naadalanen ti sexy comedienne nga aramiden a pribado ti personal a biagna.
Naammoan nga adda ti relasion ti dua gapu ta ni Scott ti kadua ni Keanna iti Fast Talk with Boy Abunda.
Guests ni Keanna ken ti padana a dati a Pinoy Big Brother housemate a ni Myrtle Sarrosa iti show ni Boy Abunda.
Saan nga ilimlimed ni Keanna nga ub-ubing kenkuna ni Scott nga agtawen ti 25 ngem agkasundo dagitoy iti adu a banag.
Inpannakkel ni Keanna ti panagbalin a responsable ni Scott gapu ta tumultulong daytoy iti panagbayad kadagiti bills.
Nagdesision dagiti dua nga agbalin a pribado ti relasionda ngem saanda met nga aglemlemmeng nga agkaduada a dua iti publiko.
