LAOAG CITY – Inlawlawag ti aktor a ni Kelvin Miranda nga awan ti pakainaigan ti aktres a ni Kira Balinger iti panagsinada ti non-showbiz ex-girlfriend-na.
Iti napalabas a tawen ket nagwaras iti online ti maipagarup a panagsarsarita da Miranda ken Balinger kalpasan nga in-post iti online ti ex-girlfriend ni Miranda.
Nupay kasta, inpetteng ti aktor nga awan ti relasionda ken ni Balinger ken saanna nga inarem ti aktres.
Inadmitir ni Miranda a mariribukan idi ti marikriknana ken ni Balinger. Saanna a masinunuo no ania ti pudno a marikriknana gapu laeng iti karakterna iti pelikula no sadino agka-loveteam dagiti dua.
Kuna met si Balinger a narigat a saan a ma-develop ti feelings iti maysa a katrabaho nangruna no maysa a napintas a love story ti estoria ti pelikula.
Nupay kasta, inbatadna a saa a nakaapektar ti kalidad ti trabahoda ken saanda nga inpalubos a maapektaran ti working relationship-da.
