LAOAG CITY – Aminado ni Keempee de Leon iti panagrayo na kadagiti artista a nailink idi kenkuana ngem iti agdama ket single ti aktor ken inpaay na ti oras na iti Diyos.
Iti episode ti “Fast Talk with Boy Abunda,” kuna ni Keempee a nagbalin idi nga hobby na ti agrayo kadagiti artista.
Segun kenkuana, nagrayo kadagiti amin dagiti nai-link kenkuana ken arig na select and collect ti inaramid na.
Kunana pay a no adda ti maysa laeng a banag a saan da a nagkasurutan ket adaywan nan daytoy ken awan ti closure.
Nupay kasta, inbatad na nga iti tumaeng metten ket nautob na a kamali dagiti inar-aramid na ken nagkiddaw ti pammakawan kadagiti babbai a napasaktan na.
Inbatad na nga arig na maymaysa ti inbaga kenkuana dagiti babbai ken daytoy ket possessive ken aminado met daytoy a seloso nga arig na uray pagayam laeng nga aginnisem ket pagruryan da.
Naamoan a ti naudi a naaddaan ti relasyon ket idi 2010 ket maysa a non-showbiz.
Nasaludsod pay kenni Kempee no kayat na ti mangasawa ken direkta ti nagbali a sungbat na a kalikagom na latta ti maaddaan ti makadenna iti tungpal biag.
