LAOAG CITY – Kinumpirmaran dagiti otoridad idiay Kenya ti outbreak iti influenza virus iti nasao a pagilyan.
Inbatad ti Kenya Medical Research Institute (Kemri) nga uppat manipud iti 36 a samples a naeksamen ket nagpositibo iti influenza A.
Inpakaammo dagiti dodoktor nga immado pay dagiti pasyente nga addaan ti sintomas iti nasao a sakit kas ti trangkaso.
Napasaran ti Kenya ti outbreak kabayatan ti panagngato manen ti kaso ti covid-19 ken ti pannakairekord ti nasao a pagilyan ti Omicron variant.
Gapu iti daytoy, gutgutiguten dagiti Health professionals ti publiko a suruten ti istrikto nga hygiene guidelines tapno malapdan ti panagwaras dagiti virus.
