LAOAG CITY – Naragsakan ti Gilas Pilipinas ti panagimbagen ni 2-time UAAP men’s basketball Most Valuable Player Kevin Quiambao.
Kinumpirmaran daytoy ni Gilas assistant coach Richard del Rosario a makaduadan ni Quiambao iti exhibition game-da a maisayangkat iti Doha inton Pebrero.
Sumangpet daytoy ditoy pagilian manipud idiay Korea inton Pebrero 12 ken makageddanna ti koponan iti biahe nga agturong iti Doha inton Pebrero 13.
Maiyuswat ti exhibition game iti Doha manipud inton Pebrero 14 agingga 16 no sadinno a makalabanda ti host country a Qatar, Lebanon ken Egypt.
Ti nasao nga ay-ayam ket kas paset ti panagsagsaganada metten para iti third window ti FIBA Asia Cup Qualifiers a makabinnalubalda ti Taiwan inton Pebrero 20 idinto ti New Zealand met inton Pebrero 23.
Maipalagip a nagdanag ti Gilas kalpasan a nagsagaba ti right ankle injury ni Quiambao iti kangitingitan ti panagay-ayam daytoy iti Korean Basketball League (KBL) idi Enero 12.
