LAOAG CITY – Bimmida ita ti Pilipino a basketball player a ni Kevin Quiambao kalpasan a nangipakita ti kinalaingna iti maysa a liga iti ruar ti pagilian iti Korean Basketball League (KBL).
Immarangkada ti inaramidna a puntos iti naisayangkat nga ay-ayam ti team-na a Goyang kontra iti koponan ti Wonju.
Nakairekord ti nasao a player ti career high-na a 36 points iti panagleppas ti ay-ayam iti iskor a 86-82 a pabor iti grupona.
Nakaaramid pay daytoy ti 12 rebounds, 3 assists ken 2 steals iti pagabante ti koponan a kamaten ti lamang a 22 points ti kalaban.
Daytoy ti umuna a panangabak ni Quiambao iti Goyang gapu iti pannakaabakna daytoy iti napalabas a team-na nga Anyang.
Gapu iti daytoy, mangnamnama dagiti mangsupsuporta kenkuana nga agtultuloy ti panagdur-as ti ay-ayamda.
