LAOAG CITY – Naikeddeng nga agsanay idiay Estados Unidos ni Gilas Pilipinas player Kevin Quiambao para iti NBA Summer League.
Daytoy ket kalpasan ti panagay-ayamna iti Korean Basketball League ket saan pay a napukawan ti namnama tapno ipursige ti professional ambition daytoy.
Nakasublin ditoy Pilipinas ti agtawen ti 23 a ni Quiambao tapno ag-recharge ken manamnama nga agturong idiay Estados Unidos manipud inton Hunio agingga iti Hulio.
Mangrugi ti NBA Summer League inton Hulio 10 agingga iti 20 idiay Las Vegas, Nevada.
Nakagun-od daytoy ti suporta manipud iti akinkukua ti Korean Basketball team a ni Lee Kwangsoo no sadinno a kaduaen pay isuna nga agturong idiay Amerika.
Naammoan nga agingga inton 2027 pay laeng ti kontratana iti koponan nga Skygunners ti South Korea ken malaksid iti daytoy ket naikeddeng nga agay-ayam iti Gilas Pilipinas national team a FIBA Asia Cup 2025 a maisayangkat inton bulan ti Agosto idiay Saudi Arabia.
