LAOAG CITY – Nasken a kitaen wenno ibilang a panagtatakaw ti maaddaan ti “allocables” iti national budget nangruna daytoy ket gapu iti namnamaen a kickback para kadagiti proponent daytoy.
Segun ken ni Senate President Pro Tempore Panfilo Lacson, ti asinoman nga opisial ti gobierno a mangipasa ti “wish list” kadagiti proyekto iti maipagarup a pannubok a makaala ti komision wenno kickback manipud iti “allocable” funds ket katukad ti panagtatakaw iti pagilian.
Ti rakurak ti Senador ket kagiddan ti naikeddeng a panaglukat ti panagdengngeg ti Senate Blue Ribbon Committee iti “Cabral files” inton bigat, Enero 19.
Iti baet ti rakurak, inlawlawag ni Lacson nga iti baet nga awan ti problema kadagiti agpanpanday linteg tapno agkiddaw ti pundo para kadagiti proyekto, dagitoy a kiddaw ket nasken nga aramiden kabayatan a maisagsagana pay laeng ti National Expenditure Program (NEP).
