LAOAG CITY – Awan pay ti rakurak ti gobyerno probinsyal seknan iti panangaprobar ti Regional Inter-Agency Task Force iti kiddaw a temporaryo a saan a panagawat ti Ilocos Norte kadagiti locally stranded individuals LSI ken ti returning overseas filipino workers wenno ROF sipud idi rabii ti Agosto 3, 2020
Nupay kasta, nagrikosen iti social media iti post ni Konsehal Efren Valdez iti ili ti Paoay seknan ti dukomento manipud iti RIATF a namarkaan a naawaten ti DILG Ilocos Norte daytoy a napetsaan ti Agosto 3, 2020.
Basar iti naipost a dukomento, napirmaan da DILG RO1 regional director James Fadrilan kenni DOH RO1 regional director Valeriano Jesus Lopez.
Basar iti dukomento, naaprobaran ti kiddaw ti Ilocos Norte a temporaryo a saan a panagpastrek kadagiti LSI ken ROF para iti 14 nga aldaw manipud iti Agosto 1 agpatingga iti Agosto 14.
Maipalagip nga adda ti Provincial Resulotion No. 159-2020 a naisumitir iti RIATF seknan ti nasao a kiddaw.
