LAOAG CITY – Napalalo ti ragsak dagiti kakapitan iti nagduduma a barangay ditoy ciudad ti Laoag kalpasan a naaprubaran ti kiddaw da nga hazard pay.
Iti pannakitaripnong ni Mayor Michael Marcos-Keon kadagiti kakapitan ditoy ciudad ti Laoag, kiniddaw ti maysa a kapitan no mabalin da ti mangiyalokar ti pondo manipod iti barangay a maited kas hazard pay dagiti barangay tanud ken opisyal.
Inbatad iti biang ti City Accounting Office a mabalin basta adda ti makaumanay a pondo ti barangay.
Nupay kasta, inbatad ti nasao nga opisina nga irebisar da a naimbag no ania dagiti barangay a kwalipikado a mangiyalokar ti pondo a para hazard pay dagiti barangay tanud ken opisyal.
Manamnama nga umabot iti 500 a pisos ti maawat nga hazard pay ti maysa nga opisyal iti kada aldaw.
