LAOAG CITY – Inbasura ti Pasig City Regional Trial Court ti kiddaw ti kampo ti naibalod a ni Kingdom of Jesus Christ (KOJC) founder ken Pastor Apollo Quiboloy a maipadalan daytoy iti hospital arrest.
Idi Setiembre, immapela ti kampo ni Quiboloy iti Pasig City Regional Trial Court (RTC) Branch 159 a ma-hospital arrest daytoy pakairamanan ti padana nga akusado a ni Ingrid Canada.
Inpettengda nga adda ti medical conditions da Quiboloy ken Canada ken marigatan iti panagtalinaedda iti custodial facility.
Nupay kasta, naiget a naglikudan ken kinontra ti pulisia.
Segun ken ni Atty. Israelito Torreon, abugado ni Quiboloy, mangipilada ti motion for consideration tapno maiyapela ti nasao desision ti korte.
Ni Quiboloy ket sumangsango iti non-bailable qualified human trafficking charge ken child abuse.
Isuna ket agdama a nakaibalod iti Philippine National Police Custodial Center iti uneg ti Camp Crame.
Ni Canada ket nakaibalod met iti Pasig City Jail kaduana dagiti dadduma pay nga akusado.
