LAOAG CITY – Awan pay ti sungbat ti Pasig ken Quezon City Regional Trial Court iti kiddaw ni Senate Committee on Women, Children, Family Relations, and Gender Equality Risa Hontiveros a pagatendaren iti imbestigasyon ni Kingdom of Jesus Christ (KOJC) founder Pastor Apollo Quiboloy.
Segun iti Senador, Oktubre 23 ti nakaiskedyul nga aldaw ti panagdengeg kadagiti reklamo a human trafficking ken ni Quiboloy.
Nu pay kasta, mangnamnama ni Hontiveros a saan a patgan ti korte ti kiddaw ti kampo ni Quiboloy nga saan a mapalubosan a tumabuno iti Senate hearing.
Impetteng ni Hontiveros, ti Senado ti immuna a nangipila iti arrest order kontra ken ni Quiboloy tapno agparang iti imbestigasion.
Kinunana pay nga awan ti rason a saan a sumango ni Quiboloy iti imbestigasion nangruna ket iggem dagiti otoridad isuna.
