LAOAG CITY – Pinalubosan ti International Criminal Court (ICC) ti kiddaw ti prosekusion a ma-access dagiti sumagmamano a materiales nga adda ti kustodiar ti Registry mainaig ti kaso ni dati a Presidente Rodrigo Duterte.
Iti nairuar a redacted a desision ita nga aldaw, Sabado, Hulio 4, inbatad ti ICC a pinalubosanna a ma-access ti dua a nakiddaw a materiales.
Segun iti korte, adda ti umdas a pagibasaran tapno mapalubosan iti nasao a materiales a mabalin a mausar iti imbestigasion.
Nupay kasta, inbasura ti korte ti kiddaw ti prosekusion a ma-access dagiti tulbek a naala ti Registry idi maarestar ken maiyakar ni Duterte iti kustodiar ti ICC.
Namnamaen met ti ICC a ti argumento ti depensa ket posible nga adda pakainaiganna kadagiti tulbek iti sanikua wenno personal a ramit dagiti kabagyan ni Duterte, isu ti gapuna a mabalin a malabsing ti karrebbenganda iti kinapribadoda.
Gapu iti daytoy, inbatad ti korte a saan a kasapulan ken saan a proposional ti panag-access kadagiti nasao a tulbek isu a saan a pinalubosan ti kiddaw.
Kabayatanna, inkeddeng ti Trial Chamber III ti panangusig inton Nobiembre 30, 2026.
