LAOAG CITY – Apagapaman a nagtalna ti panagipuswak ken panagayos ti lava ti Kilaue Volcano Lower Puna idiay Big Island Hawaii ita nga aldaw.
Kinumpirmaran daytoy ni Bombo International Correspondetn Manny Pascua.
Segun kenni Pascua, mismo a ti Unites States Geologycal Survey (USGS) ti nangkunpirmaran ti nasao a situasyon kalpasan ti airial survey nga inyusuat da.
Nupay kasta, inabatad ti USGS a saanda pay la a mabalin nga ideklarar a naminpinsanen a nagkalma ti nasao a bulkano iti panagputok na gapu ta kasapulan nga obserbaran da pay daytoy iti las-od ti maysa a bulan.
Bimmassit metten dagiti gingined a marikna da a no sadinno nga idi ket makarina da iti 35 agingga 40 a panagdayyeg iti kada oras ngem itan ket 5 laeng a panagdayeg iti kada oras.
Mapattapatta a nasurok a kagudua a milyon a dolyar ti pukaw ti gobyerno gapu kadagiti naperperi a kalsada, linya ti danum, kuryente ken pasdek.
Maipalagip a nagrugi a nagputok ti nasao a bulkano idi Mayo 3 iti daytoy a tawen.
