LAOAG CITY – Indiaya ni North Korean leader Kim Jong Un ti sibubukel a suporta na ken ni Russian President Vladimir Putin iti agtultuloy a gubat iti nagbaetan da ti Ukraine.
Inaramid daytoy ti lider ti komunista a pagilian iti panagsarita da ken ni Russian Foreign Minister Sergei Lavrov.
Ti ibibisita ni Lavrov iti North Korea ket paset ti serye dagiti panagbisita dagiti nangangato nga opisyal manipod iti Moscow, kas panangpapigsa ti relasyon ti dua a pagilian iti baet ti agtultuloy nga opensiba kontra iti Russia.
Inrakurak ni Kim a nakasagana a mangsuporta ti Pyongyang iti amin nga addang nga aramiden ti gobierno ti Russia mainaig iti panangsolbar ti ramot iti krisis iti Ukraine.
Mamati pay ni Kim nga agballigi ti Russian Army iti gagem da a protehiran ti dignidad ti pagilian da.
