LAOAG CITY – Iti agtultuloy a panangikagumaan ti gobierno ti North Korea nga ikkaten ti impluwensia ti Western culture iti pagilianda nga inpadamag ti panangipatungpal ti dictator a ni Kim Jong Un ti pannakaipawil iti taraon ken panaglako ti hotdog.
Basar iti North Korean leader, maibilang a simbolo ti panagswitik ti hotdog.
Daytoy nga addang ket paset ti naiget a kampania kontra kadagiti taraon ken tradision nga adda ti pakainaigan kadagiti kapitalista a pagilian.
Malaksid iti hotdog, karaman pay kadagiti maipawil ti budae-jjigae, maysa a nalatak a Korean-American food nga am-ammo kas “army base stew.”
Ti naadat a digo ket nangrugi iti panagusar dagiti canned food manipud kadagiti suldado ti Amerikano idi Korean War.
Nupay kasta, manipud idi 2017, ti taraon ket in-inot a nakastrek iti North Korea a nangitunda ti pannakaipawilna.
Naammoan a dagiti matiliwan nga aglutluto wenno naglalako kadagiti maipawil a taraon ket mabalin a maibalod kadagiti labor camp.
Maysa kadagiti nalatak pay iti South Korea, ti tteokbokki wenno rice cake ket nairaman pay iti listaan dagiti maipawil a kanen.
Kabayatanna, rumrummuar met ti pannakaipaiget ti North Korea ti kontrol daytoy kadagiti diborsio.
