LAOAG CITY – Ado dagiti agkabkablaaw kalpasan a nag proprose ni Jerald Napoles ken ni Kim Molina kalpasan ti sangapulo a tawen a relasionda.
Iti video online, makita ti nasorpresa ni Kim ken makita met a napno ti entablado kadagiti dekorasion ti sabong ken silaw bayat ti panagtokar ti saxophone.
Segun ken ni Gerald, pinilina ti agpropose ken ni Kim iti Philippine Educational Theatre Association Theatre Center iti Quezon City gapu ta espesial daytoy para kadakuada a dua.
Kabayatanna, saan a linged iti kaaduan a sakbay a simrek iti lubong ti pelikula ken telibision da Jerald ken Kim ket immuna a pagaammoda kas aktor iti teatro.
