LAOAG CITY – Inbatad ni Mr. Domingo Garcia, market superintendent iti Batac City Public Market a kimmapsot ti paglalakoan dagiti meat vendors iti nasao a siudad.
Daytoy ket gapu iti panic selling nga intunda ti pangta ti ASF.
Kabayatanna, kuna ni Garcia, a malaksid iti ASF ket dakkel pay a nakaapekto iti narigat a panaglako ti karne ti baboy ti pannakaipatungpal ti nagduduma a quarantine classification agsipod ta adda ti pannakalimitar ti panagruar dagiti tattao.
Immuna iti daytoy, kuna ni Garcia a bassit dagiti maparti a baboy gapu ta ado dagiti agparparti nga hog raisers iti tunggal barangay.
Maipalagip a nakastreken ti ASF iti siudad ti Batac partikular iti Brgy. Tabug nu sadino nga agarup 250 ti nairaman iti culling operation.
