LAOAG CITY – Inlawlawag ni District Engineer Glen Miguel, ti Department of Public Works and Highways (DPWH) 1st District Engineering Office nga adda ti epekto ti mapaspasaran a kinabara ti panawen kadagiti matartarimaan wenno maar-aramid a kalsada.
Segun kenkuana, alisto nga agbittak ti kalsada no nangato ti temperatura wenno ti maaw-awagan a temperature crack.
Gapu iti daytoy, ti araramiden dagiti trabahador ket dagos a kaloban ti tolda tapno saan a mamagaan a dagus gapu iti evaporation no nabara ti paniempo.
Kabayatanna, inpetteng ni Engineer Miguel a gundayawanda ti agdama a paniempo tapno ituloy dagiti naitantan a trabaho da idi pay laeng panawen ti panagtutudo.
