LAOAG CITY – Agngangabit a maibasura ti naipila reklamo kontra ken ni Senador Ronald Bato dela Rosa mainaig iti agtultuloy a panaglangan na iti trabaho malaksid no amendaran ti pagannurutan ti kangatoan a pagpandayan linteg iti kongreso.
Segun ken ni Senate Committee on Ethics and Privileges Chairman Senator JV Ejercito, awan ti probisyon maipanggep iti no work, no pay iti babaen ti agdama rules of the Senate wenno uray iti komite nga idaulwan na.
Kuna na a tapno magna ti kaso, kaspaulan paylaeng nga ilungalong ti maysa a senador tapno pormal a mairaman iti pagannurutan kadagiti agdama a paglintegan iti senado sakbay nga ipila manen ti reklamo.
Inlawlawag met ni Ejercito a denggen ti komite dagiti kaso maibasar iti first in, first outa sistema.
Ti reklamo kontra ken ni Dela Rosa ket maikanem iti siyam a pormal a reklamo a naipila iti komite agingga idi Marso 18 ita a tawen.
