LAOAG CITY – Inbatad ni Ms. Cristy Garcia, General manager ti Philippine Crop Insurance (PCIC) ditoy probinsya a napateg a maaddaan ti insurance dagiti mula iti pagtalonan.
Kuna na a daytoy ket kangrunaan iti baet ti panangdalapos ti bagyo wenno aniaman a didigra ti pagilian.
Immuna iti daytoy, inlawlawag ni Garcia a libre ti pannakagundaway ti crop insurance laketdi nakarehistro ti Registry System for Basic Sectors in Agriculture (RSBSA).
Inbatad na a dagiti kwalipikado a makaala ti insurance ket dagiti agaplikar iti saan a nalaablabbes ngem 30 nga aldaw sipud nakaimula ti direct seeding ken 15 nga aldaw met iti high value crops.
Mainaig iti daytoy, kuna ni Garcia a mapatta-mapatta a 20 nga aldaw sakbay a maala ti pondo manipod iti insured a crops ken manipod iti pannakai-enroll iti cash card babaen iti tulong ti Landbank.
Nu pay kasta, inbunannag ni Garcia nga adda ti pannakaitantan na nu ado dagiti apektado.
Innayu na nga agingga laeng met iti tallo nga ektarya ti mabayadan ti insurance.
