LAOAG CITY – Adda ti sumagmamano nga umili nga illegal nga aglaklako kadagiti kidney da gapu iti kinarigat ti panagbiag.
Segun kenni National Kidney and Transplant Institute (NKTI) executive director Rose Marie Rosette-Liquete, daytoy ti rumbeng nga ikkan ti importansya ti gobyerno.
Kuna na a naiget ti panagbantay da tapno naan-anay a maisardeng ti nasao nga illegal nga aktibidad.
Maipalagip nga iti inyuswat nga operasyon ti National Bureau of Investigation (NBI) kontra kadagiti iligal nga aglaklako ti kidney na ket intudo dagiti biktima a maysa nga head nurse ti National Kidney and Transplant Institute ti kakunsabo da iti nasao nga operasyon.
Natiliw dagiti kameng ti National Bureau of Investigation ti tallo a suspek ken siyam a biktima nga illegal nga agop-operar idiay Bulacan.
