LAOG CITY – Inpasigurado ni Presidential Communications Office (PCO) Secretary Dave Gomez a ti kangrunan a tututukan ni Presidente Ferdinand R. Marcos Jr. ti kinatalged ken pagsayaatan dagiti umili a naapektaran dagiti gingined.
Segun ken ni Gomez, gagem ni Presidente Marcos a masigurado ti kinatalged ken pagsayaatan dagiti umili kadagiti lugar a tinamaan ti gingined.
Kas panangsurot iti direktiba ti presidente, nabilin dagiti amin a maseknan a frontline agencies nga agtultuloy ti panagtrabaho partikular dagiti rescue ken relief operations.
Agtultuloy ti koordinasyon dagiti ahensya ti gobierno tapno masigurado a naurnus a maidanun ti serbisyo ken tulong kadagiti agkasapulan, kabayatan a matingtingiting ti kalawa ti perdisyon nga intunda ti gingined.
